Koox ciidamo Turki ah ayaa sheegay in ay talada dalka la wareegeen, iyadoo meelaha muhiimka ah ee Istanbul askar la dhigay, diyaarado jog hoose ku duulayana ay dul heehaabayaan caasimada, Ankara.
Bayaan laga sii daayay taleefishinka ayaa lagu sheegay “guddi nabad ah” in ay maanta dalka qabteen ayna jiri doonaan sharciyo militari oo lagu dhaqmayo.
Wali ma cadda cidda ay yihiin kooxda askarta ah. Waxaa jira warar sheegaya in saraakiil sare la xiray.
Madaxweyne Rajib Dayib Erdogan waxaa uu sheegay inuu soo afjari doono waxa uu ugu yeeray dad tiro yar oo kacdoon sameeyay.
Mr Erdogan ayaa dadka shacabka ah ugu yeeray in ay u soo baxaan wadooyinka ayna ka hortagaan kacdoonka.
Wuxuu yiri “ Waxaan ka codsanayaa dadka Turkiga in ay isugu yimaadaan meelaha barxadaha iyo garoomada. Marna aamini mayo awood ka badan tan dadka shacabka ah.”
Mr. Erdogan ayaa sheegay inuu kusii jeedo Ankara kuwa ku lug leh ficilkana ay mudan doonaan ciqaab culus.
RW Turkiga Binali Yildirim ayaa cambaareeyay “Ficilka xun” ee kooxda militariga ah, isagoo carabka ku adkeeyay in uusan ahayn afgembi. Wuxuu sheegay in dowlada ay xukunka wali hayso.
Wixii war ah oo soo kordha isha ku hay Puntland Mirror.
Related Posts
July 13, 2016 RW hore ee Britain David Cameron oo shaqada ka tagay
April 24, 2020 Dowladda Soomaaliya oo dakhli ku dhow $200 milyan lumisay coronavirus dartiis
June 22, 2019 Kulan u dhaxeeya madaxda maamulka Galmudug iyo wasiirka arrimaha gudaha Soomaaliya oo ka socda Dhuusamareeb
March 9, 2017 Mutinous Puntland forces seize HQ of Galkayo local government
