Washington-(Puntland Mirror) Murashaxa madaxweynaha xisbiga Jamhuuriga Maraykanka Donald Trump ayaa wajahaya cambaarayn kadib markii u soo jeediyay mar labaad wax u muuqda khaarajinta haweenayda la tartamaysa ee Hillary Clinton oo murashax madaxweynaha u ah xisbiga Dimuqraadiga.
Mr Trump ayaa soo jeediyay in ilaalada Hillary Clinton ay dhigaan hubkooda dabadeedna hala arkee waxa iyada ku dhaca.
Isaga oo ka hadlayay isku-soo-bax ka dhacay Miami shalay oo Jimce ahayd, murashaxa Jamhuuriga ayaa si caadi ah u yiri: “Waxaan u malayn wardiyeyaasheeda in ay hubka dhigaan. Waa in ay hubka iska dhigaan, hadda,”.
“Hubka ha laga qaado waxay dooneysaa (Hillary) in ay idnka hubka dastuurku idiin oggol yahay idin ka qaado iyaduna ay haysato oo isku ilaaliso, bal hubka iyada halaga qaado waxaa imaanaya khatar aad u weyn markaas,” ayuu yiri Trump.
Hillary Clinton ayaa ku baaqday in la adkeeyo kantaroolka hubka. Xisbiga Dimuqraadiga oo ay Hillary kamidtahay ayaa dhowr jeer isku dayay in hubka shacabka gacantiisa ku jira la xakameeyo, balse Jamhuuriga ayaa kasoo horjeestay.
Maraykanka ayaa sharci ahaan loo ogolyahay dadka shacabka ah in ay ku haystaan guryahooda hubka fudud sida qoryaha iyo baastooladaha.
Related Posts
September 4, 2016 Puntland’s vice president security forces close Golis office in Garowe
October 5, 2016 Ugu yaraan 14 dagaalyahan oo Al-Shabaab ah oo lagu dilay gobolka Shabeelaha Hoose, sida ay ku warantay wakaalada wararka dowlada
November 4, 2017 Mareykanka oo muwaadiniintiisa u jeediyay in ay ka baxaan magaalada Muqdisho
September 11, 2016 Ugu yaraan 11 qof oo ku dhimatay dhul-gariir cabirkiisu ahaa 5.7 oo ku dhuftay dalka Tanzania
Be the first to comment