Muqdisho-(Puntland Mirror) Maleeshiyada Al-Shabaab ayaa shan qof ku toogatay gobolka Shabeellaha Hoose, sida ay sheegayaan wararku.
Toogashada ayaa horaantii asbuucaan ka dhacday fagaare kuyaala magaalada Kurtun-waarey ee gobolka Shabeellaha Hoose.
Dadka ay Al-Shabaab toogatay ayay ku eedaysay in ay basaasiin u ahaayeen sirdoonka dowladda Soomaaliya, iyo wadamada Kenya iyo Itoobiya.
Tani waa toogashadii ugu horeysay ee ay fuliso maleeshiyada Al-Shabaab sanadka cusub ee 2018.
Asbuucii lasoo dhaafay, Al-Shabaab ayaa dil toogasho ah ku fulisay shan qof, oo uu ku jiro wiil 16-sanno jir ah, kuwaasoo ay ku eedeeyeen in ay jaajuusiin u ahaayeen Kenya, Mareykanka iyo ciidamada dowladda Soomaaliya.
Sida ay warbixinadu muujinayaan, Al-Shabaab ayaa dil toogasho ah ku fulisay dad dhan 22 qof sanadkii hore ee 2017, oo ay ku eedeeyeen basaasnimo iyo dambiyo kale oo ay ku jiraan galmo iyo musuqmaasuq.
Related Posts
March 8, 2019 Wasiirkii Arrimaha Dastuurka Soomaaliya Cabdiraxmaan Xoosh Jibriil oo geeriyooday
February 4, 2018 Shir u dhaxeeya dowladda federaalka Soomaaliya iyo maamul goboleedyada oo ka furmi doona Muqdisho
November 22, 2018 Business center accountant shot dead in Bosaso
December 23, 2018 Al-Shabaab iyo ISIS oo tartan ugu jira canshuurista khasabka ah ee ganacsatada Puntland
