![Afhayeenka aqalka madaxtooyada Kremlin-ka ee dalka Ruushka, Dmitry Peskov. [Sawirka: Archive]](https://puntlandmirror.net/wp-content/uploads/2017/02/dmitriy-peskov.jpg)
“Kuma aanu raacsanin qaabkan weerarka ah,” ayuu ka yiri Dmitry Peskov shir saxaafadeed daba socday hadalkii Trump uu ka sheegay wareysi taleefishin la yeeshay Axadii kaasoo uu ku sheegay in Iran ay tahay dowladda kowaad ee argagixisada.
“Sida aad ogtihiin dhammaantiin Ruushka waxa uu xiriir wanaagsan la leeyahay Iran waxaana iska-kaashan doonaa dalkaas arrimo badan,” “Waanu ku faraxsanahay xiriirkayaga kaasoo aanu isku dhaafsano ganacsiga waxaana u rajaynaynaa horumar intaas ka badan.”ayuu ku daray.
Afhayeenka ayaa sheegay in ay jiraan arrimo badan oo Moscow iyo Washington ay isku qaadaceen.
“Si kastoo ahaataba, tani u noqon mayso mid derbi ku kala xirta xiriirka iyo danaha la taaban karo ee ku aadan xiriirka Ruushka iyo Mareykanka.” Ayuu ku daray.
Trump ayaa dib u soo ceshay colaada Mareykanka uu u qabo Iran, markii uu xafiiska la wareegay Barrack Obama waxa uu amar ku bixiyay in cunaqabataynta laga qaado xukuumada Tehran, taasoo Mareykanku gashay liiska dowladdaha taageera argagixisada tan iyo sanadkii 1984-tii.
Xiriirka u dhaxeeya Ruushka iyo Mareykanka ayaa sidoo kale noqday mid diiran, iyadoo Trump uu dhowr jeer ammaan huwiyay Madaxweyne Vladimir Putin.
Related Posts
September 22, 2017 Shiinaha oo balanqaaday in uu taageerayo Soomaaliya
May 12, 2018 Ku dhawaad 15,000 arday oo u fariistay imtixaanka fasalka 8-aad iyo fasalka 4-aad gudaha Puntland
December 17, 2018 U.S. says air strikes killed 62 militants in Somalia
March 12, 2018 Al-Shabab leader’s son killed in Lower Shabelle: army radio
Be the first to comment