Ugu yaraan 84 qof ayaa dhimatay 100 kalena waa ay dhaawacmeen kadib markii nin uu gaari xamuul ah si kas ah u dul mariyay dad xusayay maalinta Bastille gudaha magaalada Nice ee dalka Faransiiska.
Ninka gaariga waday oo xawaare sare ku soconayay oo marayay wadada caanka ah ee Promenade des Anglais oo xeebta kusoo jeeda ayaa dulmarsiiyay dadkii daawanayay xaflada munaasabada oo bululayr markaas lasoo bandhigayay.
Ciidanka booliiska ayaa toogtay darawalkii gaariga, sida ay sheegeen saraakiisha.
Wasiirka arrimaga gudaha Faransiiska, Bernard Cazeneuve ayaa sheegay in caruur ay ku jiraan dadka dhintay sidoo kale 18 qof ay ku suganyihiin xaalad daran.
Dadka deegaanka magaalada Nice oo saaran badda Mediterranean-ka oo ku dhow xadka Talyaaniga ayaa lagu amray in ay joogaan guryahooda.
Ma jirto cid si dhaqso ah u sheegatay masuuliyida weerarka, balse khuburada sirdoonka ayaa sheegaysa in weerarkan uu aad ugu egyahay kuwa ay qaadaan ururada argagixisada ee ISIS iyo al-Qaacida.
Related Posts
March 12, 2017 Mutinous Somali forces seize major roads in Mogadishu
April 29, 2018 Somalia to host conference on illegal charcoal trade
July 11, 2017 Diyaarado dagaal oo aan la aqoon cida leh oo lagu arkay iyaga oo dul marayay deegaanada u dhow Garoowe
April 25, 2017 Madaxweyne Farmaajo oo u safray dalka Turkiga
Be the first to comment