Aqalka sare ee baarlamaanka dalka Maraykanka ayaa diiday qorsheyaal lagu sii xoojin lahaa xakamaynta hubka.
Qorshayaashaas waxaa kamid in la hor istaago in hub laga iibiyo dadka kujira liiska qolyaha argagixisada looga shakisan yahay.
Afar qorshe ayaa la hor keenay aqalka Senate-ka kaddib markii 49 ruux lagu dilay weerar ka dhacay baar ku yaala magaalada Orland ee gobolkaFlorida. Laakiin xubnaha aqalka ayaa u kala codeeyay sidii ay qorsheyaashaas u kala wateen xisbiyada ay ka kala tirsanyihiin ee Dimuqraadiga iyo Jamhuuriga.
Xildhibaanada ayaana qolo kasta ka soo horjeedsadeen qorshihii uu watay xisbiga kale.
Xubnuhu waxay aad isugu khilaafeen sidii looga hor tagi lahaa in weeraro kale ay dhacaan mustaqbalka.
Iibsashada hubka fudud ayaa sharci ka ah dalka Maraykanka, Madaxweyne Obama oo katirsan xisbiga Dimuqraadiga ayaa marar badan damcay in Maraykanka laga joojiyo iibka hubka, balse waxaa diidmo qayaxan kala horyimid xisbiga uu tartanka kala dhaxeeyo ee Jamhuuriga oo gabi ahaanba kasoo horjeestay qorshaha Barrack Obama iyo xisbigiisa.
Related Posts
October 13, 2016 Puntland forces capture more areas in southern Galkayo town
August 10, 2019 Puntland oo hakisay aqoonsiga nabadoonada cusub
June 25, 2019 Agaasimaha madaxtooyada DFS oo sheegay in aysan ka qaybgali doonin wadahadalo lala yeelan lahaa Somaliland
July 19, 2016 Taliyaha cusub ee AMISOM oo xafiiska la wareegay
Be the first to comment