Muqdisho-(Puntland Mirror) Guddiga Xiriirka kubada cagta Soomaaliya ayaa sheegay in baahi aad u daran ay u qabaan garoonka kubada cagta Muqdisho kaasoo hadda ay ku suganyihiin ciidamada Midowga Afrika kuwaasoo qayb ka ah howlgalka nabadaynta Soomaaliya.
Afhayeenka ciidamada Midowga Afrika Joe Kibet oo la hadlay wakaalada wararka dowlada Soomaaliya (SONNA) Sabtidii ayaa sheegay in ciidamada Midowga Afrika kuwaas oo hadda garoonka ku sugan in ay dhawaan si dhaqso ah uga bixi doonaan.
“Waxaan jeclahay in aan kuu sheego in ciidamada Midowga Afrika ay dhawaan si dhaqso ah ay uga bixi doonaan garoonka, ayna degi doonaan meel kale, laakiin kuuma sheegi karo wakhtiga saxda ah,” ayuu yiri afhayeen Joe Kibet.
Garoonka kubada cagta ee Muqdisho waxaa dhisay dowlada Shiinaha wuxuuna isugu jiraa garoon qaybo badan, sida, qaybta dabaasha, qaybta kubada kolayga iyo qaybaha kale ee ciyaaraha.
(Warbixintan waxaa qortay wakaalada wararka dowlada Soomaaliya, SONNA, waxaa turjumay warsidaha Puntland Mirror)
Related Posts
June 21, 2016 Aqalka sare ee baarlamaanka Maraykanka oo diiday xoojinta xakamaynta hubka
October 3, 2016 Hassan Sheikh Mohamoud in Baidoa town for campaign activities
December 11, 2017 Pentagon-ka Mareykanka oo rajeynaya in labo sano in ka badan ay lasii dagaalamaan maleeshiyooyinka argagixisada ah ee ku sugan Soomaaliya
August 1, 2019 Duqii Muqdisho oo u dhintay dhaawac ka soo gaaray weerar ismiidaamin ah oo ka dhacay xafiiskiisa
