Bayaan uu soo mariyay Afhayeenkiisa Sabtidii, ayuu Xoghayaha Guud ku sheegay heshiiska dhexmaray afarta dal in uu horey u qaadi doono soo celinta nabadgelyada iyo xasiloonida gobolka uuna tusaale fiican u yahay gobolka iyo caalamka kale.
Waxa uu sheegay in Qaramada Midoobay ay taageerayso dalalkaas gobolka kuyaala.
Khamiistii, Eriteeriya iyo Jabuuti ayaa isku afgartay in lasoo celiyo xiriirka kadib toban sanno oo uu khilaaf diblomaasiyadeed ka dhaxeeyay. Labada dal ayaa ku muransanaa xuduuda tan iyo sanadkii 2008-dii.
Gobolka Geeska Afrika ayaa la kulmay tilaabooyin diblomaasiyadeed oo yidadiilo leh tan iyo markii Raysulwasaaraha Itoobiya Abiy Ahmed uu go’aan ku gaaray in uu si buuxda u aqbalo heshiiskii xadka ee 2002-dii kaasoo daba socday dagaalkii 1998 ilaa 2000 dhexmaray Eriteeriya.
Soomaaliya iyo Eriteeriya ayaa sidoo kale bishii July dabayaaqadeedii isku afgartay in dib loo soo celiyo xiriirka diblomaasiyadeed.
Related Posts
March 16, 2018 Kulankii afaraad ee Madasha Wasaaradaha Arrimaha Dastuurka oo soo gabagaboobay-War-saxaafadeed
February 19, 2018 International donors withholds funding for Puntland democratization process: source
April 28, 2017 Roobab fiican oo laga soo sheegay gobolada Puntland
August 12, 2017 Puntland oo ciidamo u dirtay gobolada Sool iyo Sanaag
