Garoowe-(Puntland Mirror) Xildhibaan katirsan golaha baarlamaanka dowlada Puntland ayaa gacanta u galay ciidamada maamulka Somaliland maanta oo Isniin ahayd, sida uu sheegay mid kamid ah baarlamaanka Puntland.
Xildhibaan Maxamed Faarax Aadan (Can-jeex) iyo shan kamid ah ilaaladisii ayaa waxaa jidka u galay ciidamada Somaliland.
Xubin kamid ah baarlaamanka Puntland ayaa warsidaha Puntland Mirror u xaqiijiyay in xildhibaanka uu gacanta ugu jiro ciidamada maamulka Somaliland kadib markii ay jidka u galeen xilli uu marayay deegaan u dhow halka uu dagaalkii maanta ka dhacay.
Can-jeex ayaa sidoo kale soo noqday wasiir ku-xigeenkii cadaalada Puntland.
Ciidamada Puntland iyo Somaliland ayaa maanta gelinkii hore ku dagaalamay deegaanka Booda-cade oo qiyaastii 35km kaga beegan dhanka galbeedka magaalada Dhahar.
Sida ay sheegayaan warar uu warsidaha Puntland Mirror ka helayo deegaanadaas ciidamo aad u badan oo gaashaaman oo ka socda Puntland ayaa gelinkii dambe ee maanta halkaas gaaray.
Related Posts
December 16, 2016 Puntland deputy police officer dies from shooting wound
March 30, 2024 Baarlamaanka DFS oo u codeeyay wax ka bedelka afar cutub oo dastuurka kamid ah
January 29, 2019 Madaxweynaha Dowladda Puntland oo qaabilay qunsulka cusub ee Itoobiya
August 30, 2016 Puntland oo raadinaysa shan xubnood oo Al-Shabaab ah oo ka dambeeyay weerarkii isbiimayn ahaa ee ka dhacay Gaalkacyo
Be the first to comment