Minneapolis-(Puntland Mirror) Taliyihii ugu horeeyay Ciidanka Booliiska Soomaaliya Maxamed Abshir Muuse ayaa ku geeriyooday isbitaal kuyaala magaalada Minneapolis ee dalka Mareykanka, sida ay xaqiijiyeen qoyskiisa.
Waxa uu jiray 91-sanno. Waxaa uu wax ku bartay dalka Talyaaniga.
Maxamed Abshir ayaa noqday taliyaha Ciidanka Booliska Soomaaliya sanadkii 1960 waxaana uu taliye u ahaa muddo sagaal sanno ah ilaa iyo inqilaabkii 1969 ee Maxamed Siyaad Bare.
Sanadkii 1969 ayaa waxaa xiray Maxamed Siyaad Bare kadib markii Maxamed Abshir uu ka hadlay isaga oo kasoo horjeeda inqilaabka.
Kadib markii uu burburay taliskii Maxamed Siyaad sanadkii 1991, Maxamed Abshir ayaa noqday hoggaamiyaha Jabhadii SSDF.
Maxamed Abshir ayaa ku noolaa gudaha Mareykanka tan iyo sanadkii 1998, bishii July ee sanadkan ayaa la dhigay isbitaal kadib xanuun deg deg ah.
Related Posts
January 26, 2018 Wasiirkii Beeraha iyo Waraabka Puntland oo ku geeriyooday Muqdisho
November 9, 2017 Dowladda Soomaaliya oo sheegtay in ciidankeedu saddex maleeshiyo Al-Shabaab ah ay ku dileen gobolka Shabeellaha Dhexe
June 15, 2017 Kalafadhiga 39-aad ee Baarlamaanka dowladda Puntland oo ka furmay caasimada Garoowe
May 14, 2017 Madaxweyne ku xigeenka Puntland oo shaqada ka joojiyay agaasimaha haayada socdaalka
Be the first to comment