“Haddii ay gantaal ku soo ridaan Mareykanka, taasi waxay hurin doontaa dagaal deg deg ah,” ayuu Mattis u sheegay wariyeyaasha, isaga oo ku sii daray haddii Waqooyiga Kuuriya ay raacaan tilaabo milatari, Maraykanku wuxuu isku dayi doonaa in uu toogto gantaal kasta oo loogu talagalay midkood Guam ama dhul weynaha Mareykanka.
Xoghayaha Difaaca ayaa sheegay in Mareykanku uu wakhti yar ku qiimayn doono hadii ay ahaato mid gantaal ah oo laga soo tuuray Waqooyiga Kuuriya iyo in ay ka qaadi doonaan xaaladdaas.
Mattis ayaa carabka ku adkeeyay in aan hadalkiisa loo qaadan sida balanqaad dagaal, balse waxa uu sheegay in milatarigu ay dalkooda difaacayaan iyo naftooda kaasina uu yahay dagaal.
“Ma aad toogan kartid dadka jooga adduunkan haddii aadan u dulqaadan karin cawaaqibka ka dhalan kara,” ayuu yiri.
Asbuucii lasoo dhaafay, Madaxweynaha Mareykanka Donald Trump ayaa sidoo kale u goodiyay Waqooyiga Kuuriya hoggaamiyahooda Kim Jong-un isaga oo sheegay in uu la kulmi doono qoomameyn haddii uu sii wado khatargelinta Mareykanka iyo xulufadiisa.
Dhankeeda, Waqooyiga Kuuriya ayaa ku goodisay in ay gantaalo ku garaaci doonto jasiiradda Guam taasoo kululaysay hadalada ay is dhaafsanayaan Mareykanka iyo Waqooyiga Kuuriya.
Wakaalada wararka Waqooyiga Kuuriya ayaa ku warantay in ciidamada Waqooyiga Kuuriya ay soo gunaanadi doonaaan qorshahooda ah in ay gantaal ku dhuftaan Guam kahor bartamaha bishaan Agoosto.
Related Posts
December 27, 2017 Sargaal katirsan ciidamada Daraawiishta Puntland oo lagu dilay Gaalkacyo
January 4, 2017 Puntland oo koox caafimaad u dirtay deegaanada roobabku ka da’een ee loo hayaamay
April 16, 2020 20 kiis oo cusub oo coronavirus ah oo laga helay Soomaaliya, iyo dhimashada oo gaartay shan qof
February 18, 2017 Former Himin and Heeb spokesman shot dead in Mogadishu
Be the first to comment