Xaaska ninkii qoriga watay kaasoo 49 qof ku dilay baar ay leeyihiin raga isku-tagga oo ku yaala magaalada Orlando ee Maraykanka ayaa la maxkamadaynayaa iyadoo lala xiriirinayo weerarkaas, sida ay sheegayaan warbixinada.
Xeer ilaaliyaasha ayaa bilaabay baaritaanka Nuur Salmaan, oo ah xaaska ninkii weerarka geystay, Cumar Matiin, sida ay ku waramayaan ilo-wareedyo ay soo xigteen taleefishinka Fox News iyo wakaalada wararka Reuters.
Waxaa la sheegay in ay booliiska u sheegtay in ay isku dayday in ay ninkeeda ka joojiso inuusan weerarin baarkaas lagu magacaabo Pulse.
Weerarka Florida ayaa ahaa kii ugu xumaa taariikhda Maraykanka oo dad intaas la eg hal meel isku mar lagu toogto.
Konton iyo saddex qof ayaa ku dhaawacantay weerarkaas oo ay lix qof ku suganyihiin xaalad daran.
Sidoo kale, haweenta ayaa la wareysanayay ilaa iyo markii uu weerarka dhacay, balse lama xirin.
Madaxweynaha Maraykanka Obama ayaa booqan doona baarka Pusle oo toogashada ka dhacday maalinta beri oo Khamiis ah.
Related Posts
December 27, 2016 Ciidamada NISA oo xiray maskaxdii ka dambaysay weerarkii dekada Muqdisho
May 24, 2017 Dowladda Islaamiga ah oo sheegatay masuuliyada qaraxii ismiidaaminta ahaa ee Boosaaso
August 30, 2017 At least one militant killed after suspected Al-Shabab attacked Puntland military barricade in Mudug region
July 27, 2016 Ciidamada nabadsugida NISA oo gaari walxaha qarxa ay saarnaayeen ku qabtay suuqa Bakaaraha ee Muqdisho
Be the first to comment