Raysulwasaaraha Dowladda Federaalka Soomaaliya Xasan Cali Khayre ayaa qaabilay wefdiga oo uu hoggaaminayay Wasiirka Arrimaha Dibada Eriteeriya Osman Saleh.
Wefdiga ayaa caasumaad ka helay Madaxweynaha Soomaaliya Maxamed Cabdullaahi Farmaajo kaasoo safar ku tagay caasimada dalka Eriteeriya bishii lasoo dhaafay ee Luulyo.
Khayre ayaa sheegay in safarkan iyo kii hore ee Farmaajo ee Eriteeriya ay qiime weyn ugu fadhido xiriirka labo-geesoodka ah ayna muujineyso sida labada dal ay diyaar ugu yihiin in ay kor u qaadaan xiriirkooda.
Dhankiisa, Saleh ayaa sheegay in dalkiisu uu aad u daneynayo hagaajinta xiriirka saaxiibnimo ee ay leeyihiin Soomaaliya.
Soomaaliya iyo Eriteeriya ma aysan lahayn xiriir diblomaasiyadeed muddo gaareysa 15-sano.
Bishii lasoo dhaafay, Madaxweynaha Soomaaliya Maxamed Cabdullaahi Farmaajo iyo dhiggiisa Eriteeriya Isaias Afwerki ayaa heshiis ku kala saxiixday magaalada Asmara.
Related Posts
December 1, 2019 World Aids Day commemorates in Garowe, HIV-positive police officer promoted
May 20, 2020 Maxkamada ICJ oo dhageysiga muranka kiiska badda ee u dhaxeeya Soomaaliya iyo Kenya dib u dhigtay 2021
October 6, 2016 Al-Shabaab oo ugu yaraan lix qof ku dishay weerar ka dhacay Kenya
January 8, 2020 Safiirka Finland u fadhiya Soomaaliya oo kulan la qaatay Madaxweynaha Puntland
