Ugu yaraan shan qof oo lagu dilay gudaha masjid kuyaala magaalada Quabec ee Canada kadib markii niman hubaysan ay rasaas ku fureen

January 30, 2017 Abdirahman Abdullahi Sheikh World 0

**Booliiska ayaa sheegay in ay xireen labo qof. [Sawirka: Reuters]**

Toronto-(Puntland Mirror) Ugu yaraan shan qof ayaa lagu dilay dhowr kalena waa ay ku dhaawacmeen kadib markii niman qoryo ku hubaysan ay rasaas ku fureen masaajid kuyaala gudaha magaalada Quebec ee dalka Canada xilli lagu jiray salaada cishaha, sida ay sheegeen booliiska.

Qof goobjooge ah ayaa wakaalada wararka Reuters u sheegay in ilaa saddex nin oo qoryo watay ay rasaasta ku fureen dad gaaraya 40 qof oo ku jiray gudaha masaajidka xalay oo Axad ahayd.

“Waxaa jira dad badan oo dhaawac soo gaaray…..waxaa jira dhimasho.” Sidaa waxaa wariyeyaasha u sheegay afhayeen u hadlay ciidamada booliiska Quebec.

Booliiska ayaa sheegay in ay xireen labo qof.

Raysulwasaaraha dalka Canada Justin Trudeau ayaa boggiisa Twitter-ka ku sheegay in uu aad uga xunyahay weerarkaas lagu qaaday masaajidka Quebec, waxaana uu sheegay in uu dareenka la qaybsanayao qoysaska dhibanayaasha ah.

Masaajidka ayaa horey loola bartilmaameedsaday weerar Islaam-nacayb ah. Bartamihii bishii June ee sanadkii 2016-ka Intii lagu guda jirey Ramadaanta, madax doofaar ayaa la dhigay albaabka laga galo masaajidka.

November 14, 2019 Waa kuma guddoomiyaha cusub ee baarlamaanka Puntland?
May 6, 2019 Inta badan gobolada Soomaaliya oo laga soomay
June 23, 2016 Ciidamo booliis Soomaali ah oo tababar ugu soo xirmay Jabuuti
June 23, 2017 Wasiirka Arrimaha Gudaha Soomaaliya oo yimid Garoowe

About Abdirahman Abdullahi Sheikh 241 Articles

Senior foreign news editor at Puntland Mirror. Expertise in writing military reports, geopolitics, and crime reports. Sheikh holds a bachelor of economic management and sciences and a master's degree in international relationship from International Islamic University Malaysia (IIUM).You can reach him on: abdirahman.abdullahi91@gmail.com