Moscow-(Puntland Mirror) Shan Ruush ah ayaa ku dhimatay kadib markii diyaarad nooca qumaatiga u kaca ah oo militariga lahaayeen ay ku burburtay waqooyiga dalka Suuriya, sida ay sheegeen Ruushka.
Diyaarada ayaa ku dhacday gobolka Idlib, waxayna siday saddex shaqaale ah iyo labo sarkaal, sida ay sheegtay wasaarada difaaca Ruushka.
Diyaarada ayaa kasoo noqotay marka ay dhacday gaarsiin caawimaad insaanimo oo ay geysay deegaan u dhow magaalada Aleppo, sida Ruushka sheegay.
Ma cadda kooxda soo riday diyaarada, balse gobolka ay diyaarada ku dhacday waxaa ku xoog badan kooxaha mucaaradka ee isbahaysiga ah oo ay kamidyihiin kooxaha jihaadiyiinta ah.
Shilka ayaa noqonaya kii ugu weynaa oo hal mar ay ku dhintaan dad intaas gaaraya oo Ruush ah tan iyo markii Ruushka ay bilaabeen bishii September ee sanadkii hore faragalintooda gudaha dalka Suuriya oo ay ku taageerayaan dowlada Madaxweyne Bashar al-Assad.
Dhimashada maanta ka dhalatay diyaarada la soo riday ayaa ka dhigaysa 18 tirada guud ee Ruushka looga dilay gudaha Suuriya.
Related Posts
April 2, 2020 Bandow habeenkii ah oo looga hortagayo faafista coronavirus oo ka bilaabmay Puntland
May 10, 2017 Puntland’s police chief suspends Mudug regional police officer
January 7, 2017 Ciidamada maamulka Jubbaland oo dib u la wareegay degmada Buulo-guduud
March 10, 2020 Afar Al-Shabaab ah oo lagu dilay duqeyn Mareykanku ka fuliyay Shabeellaha Hoose
