Dagaalka ayaa dhacay shalay oo Arbaco ahayd waxaana uu dhexmaray maleeshiyada Al-Shabaab iyo dagaalyahano taageersan hoggaamiyhii hore ee Al-Shabaab Mukhtaar Roobow sidoo kale loo yaqaab (Abu Mansuur).
Al-Shabaab ayaa subaxnimadii hore Atbacadii weerar ku qaaday dagaalyahanada Abu Mansuur, taasoo ku khasabtay in dagaalyahanada Roobow laga kiciyo tuulada Abaal, balse gelinkii dambe ayay dib u soo rogaal celiyeen oo ay Al-Shabaab dib u riixeen, sida ay sheegeen ilo-wareedyadu.
Ilo-wareedyo katirsan maamulka Koonfur Galbeed ayaa sheegay in 13 dagaalyahan oo katirsan Al-Shabaab iyo lix kale oo katirsan dagaalyahanada Abu Mansuur ay ku dhinteen dagaalka.
Bishii lasoo dhaafay, Al-Shabaab ayaa bilowday ugaarsiga si ay u dilaan ama u qabtaan Mukhtaar Roobow Abu Mansuur kadib markii dhawaan Mareykanku uu ka saaray liiska argagixisada.
Abu Mansuur oo horey u soo noqday hoggaamiye ku xigeenka iyo afhayeenka kooxda ayaa tan iyo sanadkii 2013-kii ku dhuumanayay deegaano kuyaala gobolada Bay iyo Bakool halkaas oo uu asal ahaan ka soo jeedo.
Bishii June ee sanadkan, Wasaaradda Arrimaha Dibada ee Mareykanka ayaa sheegtay in ay liiska argagixisada ka saartay Mukhtaar Roobow Abu Mansuur.
Mukhtaar Roobow Abu Mansuur ayaa sanadihii lasoo dhaafay aan xiriir fiican la lahayn ururka Al-Shabaab kadib markii khilaaf uu soo kala dhex galay isaga iyo hoggaamiyihii hore ee Al-Shabaab Axmed Cabdi Godane kaas oo Mareykanku duqeyn ku dilay sanadkii 2014-kii.
Related Posts
May 6, 2017 Madaxweynaha Puntland oo u safray Ingiriiska si uu uga qeybgalo shir-weynaha Soomaalida ee London
February 4, 2017 Turkiga oo uga digay Greece dhoolatuska milatari ee gudaha badda Aegean
February 17, 2018 Ugu yaraan 19 qof oo ku dhimatay qarax ka dhacay suuq kalluun oo kuyaala Nayjeeriya
September 23, 2017 Extradition of Abdikarim Muse (Galbi Dhagah) to Ethiopia and the response of Somalia
