Dagaalka ayaa dhacay shalay oo Arbaco ahayd waxaana uu dhexmaray maleeshiyada Al-Shabaab iyo dagaalyahano taageersan hoggaamiyhii hore ee Al-Shabaab Mukhtaar Roobow sidoo kale loo yaqaab (Abu Mansuur).
Al-Shabaab ayaa subaxnimadii hore Atbacadii weerar ku qaaday dagaalyahanada Abu Mansuur, taasoo ku khasabtay in dagaalyahanada Roobow laga kiciyo tuulada Abaal, balse gelinkii dambe ayay dib u soo rogaal celiyeen oo ay Al-Shabaab dib u riixeen, sida ay sheegeen ilo-wareedyadu.
Ilo-wareedyo katirsan maamulka Koonfur Galbeed ayaa sheegay in 13 dagaalyahan oo katirsan Al-Shabaab iyo lix kale oo katirsan dagaalyahanada Abu Mansuur ay ku dhinteen dagaalka.
Bishii lasoo dhaafay, Al-Shabaab ayaa bilowday ugaarsiga si ay u dilaan ama u qabtaan Mukhtaar Roobow Abu Mansuur kadib markii dhawaan Mareykanku uu ka saaray liiska argagixisada.
Abu Mansuur oo horey u soo noqday hoggaamiye ku xigeenka iyo afhayeenka kooxda ayaa tan iyo sanadkii 2013-kii ku dhuumanayay deegaano kuyaala gobolada Bay iyo Bakool halkaas oo uu asal ahaan ka soo jeedo.
Bishii June ee sanadkan, Wasaaradda Arrimaha Dibada ee Mareykanka ayaa sheegtay in ay liiska argagixisada ka saartay Mukhtaar Roobow Abu Mansuur.
Mukhtaar Roobow Abu Mansuur ayaa sanadihii lasoo dhaafay aan xiriir fiican la lahayn ururka Al-Shabaab kadib markii khilaaf uu soo kala dhex galay isaga iyo hoggaamiyihii hore ee Al-Shabaab Axmed Cabdi Godane kaas oo Mareykanku duqeyn ku dilay sanadkii 2014-kii.
Related Posts
September 8, 2016 Markab kalluumaysi sharci daro ah oo ugu yaraan labo kalluumaysato Soomaali ah ku dilay xeebaha Jubbaland
June 14, 2018 Puntland oo iclaamisay Jimcada in ay tahay Ciidul Fidri
July 26, 2016 Puntland wins Somali regional states tournament
October 31, 2016 Guddiga doorashada dadban ee heer Puntland oo ku dhawaaqay wakhtiga la qabanayo codaynta xubnaha aqalka hoose
Be the first to comment