Muqdisho-(Puntland Mirror) Ugu yaraan 10 qof ayaa lagu dilay 20 kalena waa ay ku dhaawacmeen kadib markii gaari walxaha qarxa laga soo buuxshay lagu qarxiyay albaabka hore ee xarunta madaxtooyada Soomaaliya ee magaalada Muqdisho maanta oo Talaado ah.
Qaraxa ayaa burbur u geystay huteelka Syl oo ku dhow xarunta madaxtooyada sida laga arkay sawiro lagu soo daabacay warbaahinta bulshada.
Warbaahinta maxaliga ah ee Muqdisho ayaa baahisay in xubno kamid ah golaha wasiirada oo ku sugnaa huteelka Syl ay ku jiraan kuwa dhaawacmay.
Kooxda hubaysan ee Al-Shabaab ayaa sheegatay in ay iyagu qaadeen weerarkaas, sida ay baahisay idaacada kooxdaas ee Andalus.
Al-Shabaab ayaa Muqdisho laga saaray sanadkii 2011-ka, balse maleeshiyada ayaa sii wada weeraro dhimasho leh oo ay ka geysanayso caasimada.
Related Posts
June 4, 2018 27 dagaalyahan oo katirsan Al-Shabaab oo lagu dilay duqeyn uu Mareykanku ka geystay Puntland
March 1, 2017 Ugu yaraan 16 qof oo ku geeriyooday qaraxyo kala duwan oo ka dhacay gudaha caasimada Afghanistan ee Kabul
October 3, 2017 Madaxweyne ku xigeenka Puntland oo dhaliilay shirka Kismaayo ee maamul goboleedyada
April 17, 2017 Madaxweynaha Puntland: Turkigu wax shaqo ah oo muuqata kama qabtaan gudaha Puntland
Be the first to comment