Todobo qof oo ku dhaawacmay qaraxa waddada lagu aaso oo ka dhacay Muqdisho

Qaraxa ayaa lagu rakibay isgoyska Banaadir ee kuyaala Muqdisho.

Dadka ku dhaawacmay ayaa ahaa kuwa lugeynayay halkaas. Mana ay jirin wax baabuur ah oo marayay waddada marka qaraxa uu dhacay.

Dadkii ku dhaawacmay ayaa loo qaaday isbitaalka.

Ma jirto cid si dhaqso ah u sheegatay masuuliyada, balse xagjiriinta Al-Shabaab ayaa si joogto ah u qaada qaraxyada ka dhaca gudaha Muqdisho iyo deegaanada kale ee dalka.

Axadii, afar qof oo shacab ah ayaa ku dhintay weeraro madaafiic oo ka dhacay Muqdisho kaasoo ay masuuliyadeeda sheegteen Al-Shabaab.

Labadii bilood ee lasoo dhaafay, wax qarax ah oo khasaare weyn dhaliyay kama dhicin Muqdisho. Ammaanka magaalada ayaa aad loo adkeeyay gaar ahaan intii lagu guda jiray bishii Ramadaanta oo maleeshiyadu inta badan ay labo jibaaraan weeraradooda.