![Tirada dhimashada oo gaartay 30 qof kadib qarax gaari oo ka dhacay banaanka hore ee dekada weyn ee Muqdisho. [Sawirka: Twitter]](https://puntlandmirror.net/wp-content/uploads/2016/12/D5-768x576-1.jpg)
Qaraxa ayaa dhacay kadib markii gaari walxaha qarxa laga soo buuxshay lagu qarxiyay albaab kuyaala duleedka dekada weyn ee Muqdisho saakay oo Axad ah.
Dad goobjoogayaal ah ayaa sidoo kale maqlay rasaasta qoryaha kadib qaraxa.
Kooxda hubaysan ee Al-Shabaab ayaa sheegatay masuuliyada weerarkaas, sida ay ku sheegtay bayaan laga sii daayay idaacadooda, Radio Andalus.
Sabtidii shalay, ugu yaraan labo askari oo ciidamada dowladda federaalka Soomaaliya ah ayaa ku dhimatay kuwo kalena waa ay ku dhaawacmeen qarax gaari oo ka dhacay kantarool kuyaala duleedka Muqdisho.
Maleeshiyada Al-Shabaab ayaa boqolaal qof dishay sanadadii u dambeeyay, walina waxay wadaa weerarada dhiiga badan ku daatay ee ka dhanka ah saraakiisha dowladda Soomaaliya iyo dadka rayidka ah.
Related Posts
March 31, 2017 Madaxweyne Trump oo ciidamada milatariga Mareykanka u ogolaaday in ay weeraro badan ku qaadi karaan maleeshiyada Al-Shabaab ee ku sugan gudaha Soomaaliya
September 30, 2017 Jubbaland oo martigelin doonta shir ay yeelan doonaan madaxda maamul goboleedyada dalka
September 20, 2019 Somalia Revises 2019’s Budget Upward by 13% to $390 Million
October 13, 2016 Puntland forces capture more areas in southern Galkayo town
Be the first to comment