Khartoum-(Puntland Mirror) Dalka Sudan ayaa balanqaaday inuu deeq waxbarasho oo badan siinayo dalka Soomaaliya kadib markii wefdi sare oo labada dowladood ka socda ay ku kulmeen caasimada Sudan, Khartoum.
Guddoomiyaha guddiga baarlamaanka dowlada federaalka Soomaaliya u qaabilsan arrimaha dibada Cabdulqaadir Cosoble oo ay waheliyaan wefdi kale oo dowlada federaalka ah ayaa kulan la qaatay shalay oo Arbaco ahayd wasiirka waxbarashada Sudan Dr. Ajitani Mustafa Mohamed Sala.
Wasiirka waxbarashada Sudan ayaa sheegay in dalkiisa oo horey kumanaan Soomaali ah deeq waxbarasho u siiyay haddana ay sii kordhin doonaan deeqaha waxbarasho.
Kumanaan arday Soomaali ah ayaa wax ka barta dalka Sudan, sidoo kale boqolaal kale oo dalkaas wax kasoo bartay ayaa dib ugu soo noqday dalka si ay cilmigooda ugu adeegaan dalkooda.
Sudan ayaa Soomaaliya siinaysay deeqo waxbarasho tan iyo burburkii, taasoo ka dhigaysa dalka ugu badan oo deeq waxbarasho siiya dadka Soomaaliyeed.
Related Posts
April 17, 2018 Dowladda federaalka Soomaaliya oo sheegtay in wadahadal la furtay Imaaraatka Carabta
January 14, 2017 Wadahadaladii Gambia oo guuldareystay iyada oo Madaxweyne Jammeh diidanyahay in uu xilka ka dego
September 10, 2021 Madaxweynaha Puntland oo dalacsiiyay saraakiil ciidan oo door ka qaatay xasilinta Mudug
November 20, 2017 Puntland President receives warm welcome in Addis Ababa
