Roobab mahiigaan ah oo ka da’ay qaybo kamid gobolada Puntland

Roobabka ugu badan ayaa ka da’ay deegaano kuyaala gobolada, Karkaar, Nugaal, Mudug, sida ay wararku sheegeen.

Qayb kamid ah deegaanada ayaa laga soo sheegay daadad ay khasaare ka dhasheen.

Xoolo badan ayaa biyo la tageen sidoo kale dad ayaa la waayay kadib roobabka mahiigaanka ah.

Wadada isku xirta Garoowe iyo Boosaaso ayaa la sheegay in ay go’day.

Garoowe, caasimada Puntland ayaa muddo sideed saac uu roob ka da’yay. Daadad ka dhashay biyaha roobka ayaa maraya waddooyinka waa-weyn ee magaalada.

Roobabkan ayaa yimid iyada oo deegaanada Puntland ay ka jireen abaar aad u daran.