Kulanka ayaa looga hadlay xaalada uu marayo xanuunka coronavirus gudaha Soomaaliya, sida lagu sheegay war-saxaafadeed kasoo baxay xafiiska Raysulwasaaraha.
Xasan Cali Khayre ayaa saaxiibada Soomaaliya u sheegay in taageeradooda ay u weeciyaan dadaalada dalku uu kula dagaalamayo COVID-19.
“Ra’iisul Wasaaraha ayaa mas’uuliyiinta kulanka qaybta ka ahaa ku war geliyay in dowladda Soomaaliya ay dooneyso in dhammaan barnaamijyadii qorsheysnaa ee dowladda lagu caawinayay loo leexiyo wax ka qabashada cudurka halista ah ee COVID-19 iyo caawinta dadka nugul ee saameynta ay ku yeelanayaan tillaabooyinka lagu xakameynayo cudurka.” Ayaa lagu yiri war-saxaafadeedka.
Raysulwasaaraha ayaa u sheegay saaxiibada in la joogo xilligii caawinta baahida ugu badan loo qabay, ayna muhiim tahay in sida ugu dhaqsaha badan dowlad gobaleedyada dalka looga dhiso min hal Isbitaal oo awood u leh la tacaaliida bukaannada uu haleelo COVID-19.
Iyadoo maanta ay tahay Talaado, tirada guud ee kiisaska COVID-19 ee laga helay gudaha Soomaaliya waa 237, sideed dhimasho ah, iyo labo qof oo ka bogsaday.
Related Posts
December 20, 2016 Director of Puntland’s Bosaso presidency shot dead in Bosaso
December 23, 2018 Al-Shabaab iyo ISIS oo tartan ugu jira canshuurista khasabka ah ee ganacsatada Puntland
September 21, 2018 Hoggaamiye dhaqameed lagu dilay degmada Hadaaftimo
December 12, 2016 Puntland oo gunaanaday doorashooyinka aqalka hoose
Be the first to comment