Muqdisho-(Puntland Mirror) 73 kiis oo cusub oo coronavirus ah ayaa laga helay gudaha dalka 24-saac ee la soo dhaafay, sida Wasaaradda Caafimaadka Dowladda Federaalka Soomaaliya ku sheegtay war-saxaafadeed xalay fiidkii.
Hal qof ayaa xanuunka u geeriyooday 24-saac ee la soo dhaafay, sida ay wasaaraddu sheegtay.
Iyadoo maanta ay tahay Talaado, tirada guud ee kiisaska COVID-19 ee laga helay gudaha Soomaaliya waa 237, sideed dhimasho ah, iyo labo qof oo ka bogsaday.
Xanuunka ayaa si tar-tartiib ah ugu faafaya bulshada dhexdeeda, iyadoo awaamiirta maamuladu soo rogeen oo ay kamid tahay joogista guryaha aysan shaqeynayn sababtoo ah dadka intiisa badan ayaa kunool gunnooyinka ay maalintii soo shaqeystaan.
Dhanka Puntland, masuuliyiinta dowladda ayaa sheegay in aysan jirin wax kiis ah oo la helay 24-saac ee la soo dhaafay marka laga reebo halkii kiis oo hore, balse ay jiraan dad la baaray oo natiijadooda la sugayo.
Related Posts
July 17, 2019 Wasiir dowlihii cadaalada, diinta iyo awqaafta Puntland oo iscasilay
June 9, 2016 Al-Shabaab oo weerartay saldhig ay ciidamada Itoobiya ku leeyihiin gobolada dhexe ee Soomaaliya
November 9, 2019 Baarlamaanka Puntland oo isku diyaarinaya doorashada guddoomiyaha
June 24, 2019 Madaxweynaha Galmudug Axmed Ducaale Geele Xaaf oo sheegay in uu gabi ahaanba burburay heshiiskii u dhaxeeyay Galmudug iyo Ahlu Sunna
Be the first to comment