Kulanka ayaa looga hadlay xaalada uu marayo xanuunka coronavirus gudaha Soomaaliya, sida lagu sheegay war-saxaafadeed kasoo baxay xafiiska Raysulwasaaraha.
Xasan Cali Khayre ayaa saaxiibada Soomaaliya u sheegay in taageeradooda ay u weeciyaan dadaalada dalku uu kula dagaalamayo COVID-19.
“Ra’iisul Wasaaraha ayaa mas’uuliyiinta kulanka qaybta ka ahaa ku war geliyay in dowladda Soomaaliya ay dooneyso in dhammaan barnaamijyadii qorsheysnaa ee dowladda lagu caawinayay loo leexiyo wax ka qabashada cudurka halista ah ee COVID-19 iyo caawinta dadka nugul ee saameynta ay ku yeelanayaan tillaabooyinka lagu xakameynayo cudurka.” Ayaa lagu yiri war-saxaafadeedka.
Raysulwasaaraha ayaa u sheegay saaxiibada in la joogo xilligii caawinta baahida ugu badan loo qabay, ayna muhiim tahay in sida ugu dhaqsaha badan dowlad gobaleedyada dalka looga dhiso min hal Isbitaal oo awood u leh la tacaaliida bukaannada uu haleelo COVID-19.
Iyadoo maanta ay tahay Talaado, tirada guud ee kiisaska COVID-19 ee laga helay gudaha Soomaaliya waa 237, sideed dhimasho ah, iyo labo qof oo ka bogsaday.
Related Posts
June 3, 2016 Deg Deg: Madaxweynaha Turkiga oo Muqdisho soo gaaray
November 27, 2016 Geerida Fidel Castro: Itoobiyaanka oo ku tilmaamay saaxiib halyay ahaa, Soomaalida oo ugu ciilqabta dagaalkii Ogaadeeniya ee 1977
November 20, 2018 Xildhibaan katirsan baarlamaanka DFS oo ka badbaaday qarax loogu rakibay gaarigiisa
October 26, 2017 Madaxweynaha Soomaaliya oo ka tacsiyeeyay geerida ku timid taliyihii ugu horeeyay ciidanka booliiska Soomaaliya Maxamed Abshir Muuse
Be the first to comment