Addis Ababa-(Puntland Mirror) Madaxweynaha dowladda federaalka Soomaaliya Maxamed Cabdulaahi Farmaajo ayaa maanta oo Isniin ah tagay magaalada Addis Ababa ee dalka Itoobiya.
Madaxweynaha ayaa waxaa garoonka diyaaradaha ee Addis Ababa si diiran ugu soo dhaweeyay Wasiirka Arrimaha Dibada Itoobiya Workneh Gebeyehu.
Madaxweyne Farmaajo oo la hadlay wariyeyaasha ayaa sheegay in safarkiisa uu salka ku hayo sidii loo dar-dar gelin lahaa dagaalka ka dhanka argagixisada isla markaasna loo midayn lahaa qorshayaasha wadamada geeska Afrika ee ay ku wajahaayaan ka hor-tagga khatarta argagixisada.
Madaxweynaha Soomaaliya ayaa la filayaa in saacadaha soo socda uu kuan la yeelan doono Raysulwasaaraha Itoobiya Hailemariam Desalegn.
Shalay oo Axad ahayd, Farmaajo ayaa tagay dalka Uganda, waxaana uu kulan la yeeshay dhiggiisa Yoweri Museveni.
Madaxweynaha Soomaaliya ayaa sidoo kale la filayaa in uu tago dalka Jabuuti.
Uganda, Itoobiya iyo Jabuuti ayaa kamid ah wadamada ay ciidanku ka joogaan gudaha Soomaaliya.
Related Posts
October 22, 2017 Madaxweynaha Soomaaliya oo u safray dalka Uganda
September 13, 2020 Masuuliyiinta Soomaaliya oo kulan looga hadlayo doorashada uga furmay Muqdisho
February 6, 2017 Soomaali badan oo ku yaacay garoomada si ay ugu duulaan Mareykanka kadib markii garsoore Mareykan ah hakiyay go’aankii Donald Trump
June 17, 2016 Somalia’s PM calls for delay of Dadaab closure
