Baydhabo-(Puntland Mirror) Madaxweynaha dowlada Puntland Cabdiweli Maxamed Cali ayaa maanta gaaray magaalada Baydhabo ee xarunta maamul goboleedka Koonfur Galbeed si uu uga qaybgalo shirka madasha qaran.
Waxaa madaxweynaha garoonka diyaaradaha si heer saraysa ugu soo dhaweeyay madaxweynaha maamulka Koonfur Galbeed Shariif Xasan Shiikh Aadan, masuuliyiin dowlada federaalka ka socday iyo dad weyne badan oo shacab ah.
Madaxweynaha ayaa kadib loo galbiyay xarunta madaxtooyada maamulka Koonfur Galbeed.
Baydhabo ayaa markii kowaad martigelinaysa madashaas qaran oo horey kulamadii kan ka horeeyay loogu soo qabtay magaalooyinka Garoowe, Muqdisho iyo Kismaayo.
Amaanka magaalada ayaa aad loo adkeeyay. Waxaa sidoo kale Baydhabo gaaray madaxweynaha dowlada federaalka Soomaaliya Xasan Shiikh Maxamuud iyo madaxweynaha maamulka Jubaland Axmed Maxamed Islaan.
Shirka madasha qaran ayaa lagu wadaa inuu galabta ka furmo Baydhabo waxaana looga hadlayaa hanaanka doorashooyinka dalka ka dhacaya bisha Agoosto ee sanadkan 2016-ka.
Related Posts
September 24, 2019 Madaxweynaha Puntland oo magacaabay agaasimaha cusub ee haayada nabadsugida iyo sirdoonka
December 20, 2016 Ciidamada badda Puntland oo dilay ugu yaraan afar dagaalyahan oo ISIS ah, burburiyayna saldhig ku dhow Qandala
September 23, 2017 Puntland Maritime Forces capture boat loaded with weapons
March 3, 2019 Madaxweyne Farmaajo oo waraaqaha aqoonsiga ka guddoomay danjiraha cusub Ingiriiska ee Soomaaliya
