Muqdisho-(Puntland Mirror) Madaxweynaha dowlada federaalka Soomaaliya Xasan Shiikh Maxamuud iyo wefdi uu hoggaaminayo xoghayaha guud ee urur goboleedka IGAD, Maxbuub Macalin ayaa maanta oo Jimce ah kulan ku yeeshay xarunta madaxtooyada Viila Soomaaliya ee Muqdisho.
Kulanka ayaa waxaa diirada lagu saaray shir madaxeedka IGAD oo bisha soo socota ee September lagu qaban doono caasimada Soomaaliya, Muqdisho.
Sidoo kale waxaa kulanka looga hadlay arrimaha amniga, siyaasada, dhismaha maamulka gobolada Shabeellaha Dhexe iyo Hiiraan, mashaariicda kaabayaasha dhaqaalaha ah ee ay haayadaha caalamiga iyo IGAD ka fulinayaan Soomaaliya iyo iskaashiga arrimaha horumarinta ee labada dhinac.
Madaxweynaha ayaa wefdiga uga warbixiyey xaaladda dalka, diyaargarowga Shir Madaxeedka IGAD, horumarka dhinaca siyaasadda iyo amniga ee dalku gaaray iyo qabanqaabada doorashada 2016.
Labada dhinac ayaa isku afgartay dhammaan qodobadii ay ka wadahadleen, iyadoo xoghayaha guud ee IGAD Maxbuub uu sheegay in IGAD ay si buuxda u taageerayso Soomaaliya, gaar ahaan barnaamijyada muhiimka u ah xilliga kala guurka.
Related Posts
January 5, 2017 Ciidamada NISA oo xiray ku dhawaad sagaal qof oo lala xiriirinayo qorshaha qaraxii gaariga UNDP
June 8, 2020 Ciidamada Puntland iyo Galmudug oo howlgal amni oo wadajir ah ka bilaabay Gaalkacyo
March 28, 2020 Puntland oo joojisay isku socodka gaadidka ka imaanaya Somaliland iyo Itoobiya
February 26, 2018 Xoghayaha Guud ee Qaramada Midoobay oo cambaareeyay qaraxyadii Muqdisho, sheegayna in QM ay si buuxda uga taageerayso Soomaaliya la dagaalanka argagixisada
Be the first to comment