Baraawe-(Puntland Mirror) Wefdi balaaran oo uu hoggaaminayo madaxweynaha maamulka Koonfur Galbeed Shariif Xasan Shiikh Aadan ayaa maanta oo Sabti ah tagay magaalada Baraaawe ee gobolka Shabeelaha Hoose.
Sida ay ilo-wareedyo u sheegeen warsidaha Puntland Mirror ujeedka Shariif Xasan ayaa ah sidii maamulkiisa uu ugu guuri lahaa magaalada Baraawe oo ah caasimada maamulkaas.
Magaalada Baydhabo ee caasimada gobolka Baay ayaa hadda ah xarunta kumeelgaarka ah ee maamulka Koonfur Galbeed.
Xarunta aqalka madaxtooyada maamulka Koonfur Galbeed ee Baraawe ayaa dhismihiisa la dhameeyay waxaana lagu wadaa in madaxweyne Shariif uu si rasmiya xariga uga jaro kadibna uu dowladiisa ugu raro magaalada.
Guddoomiyaha magaalada Baraawe Xuseen Jeex oo saxaafada la hadlay ayaa sheegay in si dhaqso ah maamulka Koonfur Galbeed uu ugu soo guuri doono caasimada rasmiga ah ee Baraawe.
Baraawe ayaa ah magaalo xeebeed taariikhi ah oo saaran Badweynta Hindiya .
Related Posts
April 6, 2020 Sideed maleeshiyo Al-Shabaab ah oo lagu dilay duqeymo Mareykanku ka fuliyay Soomaaliya
January 4, 2020 Al-Shabaab oo sheegatay masuuliyada dilka sargaal katirsan ciidanka Puntland oo lagu dilay Boosaaso
January 7, 2017 Jubaland forces recapture Bulo-gudud district from Al-Shabab
July 25, 2016 Dooni ganacsi oo u rarnayd ganacsato Puntland ah oo ku degtay biyaha Badda Cas
