Ciidamadan goostay ayaa maamulka Somaliland u qaabilsanaa deegaano kuyaala gobolka Sanaag.
Saraakiisha hoggaaminayasa ciidanka goostay iyo taliyaha guud ee ciidamada maamulka Somaliland ayaa khilaaf weyn soo kala dhexgalay, taasoo sababtay goosashada, sida ilo-wareedku ay sheegeen.
Lama oga ilaa iyo hadda halka ay aadeen ciidanka goostay, oo wata gaadiidka dagaalka.
Arrintan ayaa imaanaysa iyada oo gobolka Sanaag asbuucyadii u dambeysay ay ka taagnayd xiisad u dhaxeysa Puntland iyo Somaliland.
Dhawaan, ciidamo katirsan maamulka Somaliland ayaa weerar gaadmo ah ku qaaday wefdi ka socda Puntland oo uu hoggaaminayay wasiirka waxbarashada. Ugu yaraan lix qof oo ka kala tirsan labada dhinac ayaa ku dhintay weerarkaas gaadmada ahaa oo ka dhacay deegaanka Damala-xagare ee gobolka Sanaag.
Hadda, magaalada Baran waxaa ku sugan masuuliyiin sare oo katirsan Puntland oo uu hoggaaminayo wasiirka amniga Cabdisamad Maxamed Galan.
Related Posts
December 1, 2018 Director of PSF announces bid for Puntland President
June 13, 2018 Madaxweynaha Puntland oo xilkii ka qaaday labo agaasime oo katirsan haayadaha sirdoonka
April 15, 2020 Fanaanka Soomaaliyeed ee caanka ahaa Cumar Shooli oo ku geeriyooday Muqdisho
January 15, 2017 Ganacsade caan ahaa oo dablay hubaysan oo aan haybtooda la aqoon ku toogteen Muqdisho
Be the first to comment