Kornayl Deo Akiiki, oo ah ku xigeenka afhayeenka ciidamada Uganda, ayaa wakaalada wararka Shiinaha ee Xinhua u sheegay in labo katirsan ciidamada Uganda ee howlgalka milatariga Afrika ee AMISOM lagu dilay weerar gaadmo ah oo ay qaadeen maleeshiyada Al-Shabaab.
Tiro kale oo aan la garanayn oo ciidamo ayaa ku dhaawacmay weerarka, sida uu sheegay afhayeenku.
“Waxaan xaqiijin karaa in uu jiray weerar gaadmo ah oo lala eegtay ciidamadayada kuwaasoo ilaalo ka ahaa Marka waxaana naga dhintay labo askari. Sidoo kale waxaa soo gaaray dhaawac,” Akiiki ayaa sidaa yiri.
“Waxaanu sugeynaa faahfaahinta, magacyada askarta dhimatay iyo kuwa dhaawacmay sidaa darteed waxaanu u sheegaynaa qoysaskoodii iyo qaraabadoodii,” ayuu ku sii daray.
Uganda ayaa ciidamo dhan 6,500 askari ka joogaan Soomaaliya kuwaasoo qeyb ka ah 22,000 askari ee AMISOM.
Related Posts
January 23, 2023 Garaad Guud ee SSC oo ku laabtay Lascaano 15 sanno kadib
January 25, 2018 Puntland President appoints new police chief
July 12, 2016 Wefdi ka socda IGAD oo gaaray Beledweyne
July 22, 2017 Diyaarad siday ku dhawaad 100 maxaabiis Soomaali ah oo kasoo degtay Muqdisho
Be the first to comment