Seoul-(Puntland Mirror) Waqooyiga Kuuriya ayaa toogasho ku fulisay mid kamid ah raysulwasaare ku xigeenkeeda, sida ay sheegeen saraakiisha Koonfurta Kuuriya.
Xukuumada Pyongyang ayaa sidoo kale masaafurisay saraakiil sare, waxaa loo malaynayaa in amaarkaas uu bixiyay hoggaamiyaha Waqooyiga Kuuriya Kim Jong-un.
“Raysulwasaare ku xigeenka waxbarashada Kim Yong-Jin ayaa toogasho lagu fuliyay,” sidaa waxaa yiri Jeong Joon-hee, afhayeenka wasaarada midowga Koonfur Kuuriya.
Kim ayaa toogasho lagu fuliyay bartamihii bishii July isagoo lagu eedeeyay kasoo horjeed xisbiga iyo kacaandoon, sida uu wakaalada wararka ee AFP u sheegay sarkaal magaciisa ka gaabsaday.
Bartamihii bishii Febaraayo, taliyaha guud ee ciidamada, Janaraal Ri Yong-gil ayaa la sheegay in la dilay isagoo lagu eedeeyay musuq-maasuq, sida ay sheegtay wakaalada wararka ee Koonfur Kuuriya. Yonhap
Kim Jong-un ayaa awooda Waqooyiga Kuuriya qabsaday sanadkii 2011 kadib dhimashadii aabihiis, Kim Jong-il.
Related Posts
October 25, 2016 Qaramada Midoobay oo sheegtay in colaadaha Gaalkacyo ay ku barakaceen dad ka badan 75,000
October 13, 2016 At least two Al-Shabab militants kill theirself while planting bomb
July 1, 2017 Dhakhtar qori qaatay oo ugu yaraan hal qof ku dilay isbitaal kuyaala gudaha magaalada New York
July 5, 2017 Maamulka Jubbaland oo sheegay in ciidamadoodu ay dagaal ku dileen 13 dagaalyahan oo Al-Shabaab katirsan
