Xalay, Raysulwasaaraha Dowladda Federaalka Soomaaliya Maxamed Xuseen Rooble ayaa shaqo joojin ku sameeyay agaasimaha haayada nabadsugida NISA Fahad Yaasiin, isaga oo magacaabay agaasime cusub, balse Madaxweyne Maxamed Cabdullaahi Farmaajo ayaa qaadacay arrintaas.
Raysulwasaaraha ayaa Sabtidii Fahad Yaasiin u qabtay 48-saac in uu ku keeno warbixin buuxda oo la xiriirta kiiska Ikraan Tahliil.
Bayaan kasoo baxay Fahad Yaasiin fiidnimadii Axada ayuu ku sheegay in faahfaahinta kiiska Ikraan Tahliil uu ku soo bandhigi doono shirka golaha amniga qaranka oo uu sheegay in madaxweyne Farmaajo oo golahaas guddoomiye u ah uu u diray codsi qabsoomida shirkaas.
Ikraan Tahliil oo ahayd gabar shaqaale ah oo katiran NISA ayaa la waayay dabayaaqadii bishii June 2021.
Asbuucii lasoo dhaafay, NISA ayaa bayaan ay soo saaraty oo lagu faafiyay warbaahinta dowladda ku sheegtay in Ikraan Tahliil ay dishay maleeshiyada Al-Shabaab, balse maleeshiyada ayaa qaadacday in ay iyagu ka dambeeyeen dilkaas, sida ay baahiyeen warbaahintoodu.
Fahad Yaasiin, oo ah wariye hore, ayna saaxiib dhow yihiin Farmaajo, ayaa bishii Agoosto 2019 uu madaxweyne Farmaajo u magacaabay agaasimaha NISA.
Related Posts
July 31, 2016 Kooxda kubada cagta Puntland oo ku guulaysatay ciyaaraha maamul goboleedyada Soomaaliya oo si weyn loogu soo dhaweeyay Garoowe
January 9, 2017 Madaxweynaha Puntland oo la filayo in uu tago magaalo xeebeedka Qandala
February 22, 2017 Leaders of neighboring countries of Somalia arrives in Mogadishu for Farmajo’s inauguration
January 1, 2018 Somali Interior Minister to visit Beled Hawo amid tension over Kenya’s building wall
Be the first to comment