Maalmihihii u dambeeyay warbaahinta Soomaaliya iyo kuwa gobolka ayaa qorayay in madaxweynaha Dowladda Federaalka Soomaaliya Maxamed Cabdullaahi Farmaajo uu hoggaamiyaha maamulka Somaliland kula kulmi doono magaalada Addis Ababa ee dalka Itoobiya.
Madaxweynaha oo maalmihii u dambeeyay kulamo ku tagay dalalka Burundi iyo Jabuuti ayaa galabta oo Arbaco ah dib ugu soo noqon doono magaalada Muqdisho, ee caasimada Soomaaliya.
Wadahadalada u dhaxeeyay Dowladda Federaalka Soomaaliya iyo maamulka Somaliland oo dalka Turkigu gar-wadeen ka ahaa ayaa sanadihii lasoo dhaafay istaagay, kadib markii wax guul ah laga gaari waayay intii ay socdeen xilligii xukuumadii Xasan Shiikh Maxamed.
Turkiga ayaa isku dayaya in uu markale soo celiyo wadahadaladii. Horaantii bishaan Febaraayo Turkiga ayaa safiirkeedii hore ee Soomaaliya Olgan Bakar u soo magacaabay ergayga gaarka ah ee wadahadalada Dowladda Federaalka Soomaaliya iyo maamulka Somaliland, waxaana uu safar ku tagay Muqdisho iyo Hargeysa.
Somaliland, oo ah maamul kuyaala waqooyiga galbeed ee Soomaaliya ayaa sheegay in ay Soomaaliya ka goosteen sanadkii 1991, balse wax aqoonsi ah kama helin caalamka.
Related Posts
April 28, 2018 RW Khayre oo haayadaha samafalka ka codsaday in ay gargaar la gaaraan dadka ay fatahaaduhu wax yeeleeyeen
June 9, 2017 Kadib todobo sanno oo dagaal dhiig badan ku daatay Al-Shabaab weli waxay khatar ku tahay Puntland
March 29, 2018 Shirkada Air Djibouti oo duulimaadyo ka bilaabi doonta Boosaaso
January 25, 2018 Puntland President appoints new police chief
