Ugu yaraan labo qarax iyo rasaas ayaa laga maqlay xarun kutaala degmada Westland ee magaalada Nairobi, halkaas oo uu kuyaalo huteelka DusitD2 iyo sidoo kale xafiisyo.
Dad badan oo dhiig korkooda ka qubanayo ayaa laga soo saaray xarunta.
Afar nin oo hubeysan ayaa xarunta gashay, sida ay sheegeen goobjoogayaal.
Haweenay ka shaqeynaysay xarun u dhow dhismaha ayaa wakaalada wararka Reuters u sheegtay: “Waxaan maqlay xabado, kadibna waxaan arkayay dad cararaya oo gacmaha kor u taagaya iyo qaar galaya banki ay ku dhuumanayaan oo ay naftooda ku badbaadinayaan.”
Qiiq ayaa la arkayay kasoo baxaya xarunta, iyo baabuur ay dab qabsadeen yaalay goobta.
Sargaal katirsan ciidamada booliiska ayaa BBC-da u sheegay in xaaladu aysan fiicnayn ayna dadku geeriyoonayaan.
Ma jirto faahfaahin ku saabsan khasaaraha ka dhashay ilaa iyo hadda.
Huteelka la weeraray oo ah five-star ayaa leh 101 qol.
Maleeshiyada Al-Shabaab ee ka dagaalanta gudaha Soomaaliya oo horey weeraro uga geysatay dalka Kenya ayaa sheegatay masuuliyada weerarkaas.
“Anagaa ka dambayna weerarka Nairobi. Howlgalku waa uu socdaa,” Cabdicasiis Abu Muscab, afhayeenka howlgalada Al-Shabaab, ayaa sidaa u sheegay Reuters.
Related Posts
July 11, 2016 Warbixin: Doorashada guddoomiyaha Degmada Dangorayo oo dhawaan dhici doonta, Maxaa uu qabsoomay degmada shantii sanno ee lasoo dhaafay
April 15, 2018 Wasiir katirsan Puntland oo beeniyay in Imaaraatka Carabta ay joojiyeen taageeradii ciidamada PMPF
June 10, 2018 Madaxweynaha Puntland oo xariga ka jaray waddo cusub oo laami ah oo laga dhisay Garoowe
August 20, 2016 Madaxweynaha DFS Xasan Shiikh Maxamuud oo ka tacsiyeeyay geerida Janaraal Maxamed Cali Samatar
