Axadii, saraakiil sare oo katirsan haayada ICRC ayaa Garoowe yimid iyaga oo kulan la qaatay madaxweyne ku xigeenka Puntland Axmed Cilmi Cismaan.
Sida ilo-wareedyo katirsan dowladda ay u sheegeen bog wareedka Puntland Mirror, kulanka ayaa looga hadlay sidii Puntland iyo Somaliland ay isku-dhaafsan lahaayeen maxaabiistii ay ku kala qabsadeen dagaalkii sanadkii lasoo dhaafay.
Lama sheegin wakhtiga rasmiga ah ee labada dhinac ay is-dhaafsan doonaan maxaabiista, balse ICRC ayaa dadaal ugu jirta sidii ay arrintaas u dhici lahayd bilaha soo socda, ilo-wareedka ayaa intaas ku daray.
Tiro maxaabiis ah oo ka kala tirsan Puntland iyo Somaliland ayaa lagu qabsaday bishii May ee sanadkii 2018 markaas oo labada dhinac ay dagaal khasaare dhaliyay uu ku dhexmaray deegaanka Tukaraq ee gobolka Sool.
bilihii u dambeysay, Tukaraq ayaa xaaladeedu deganayd, inkastoo labada ciidan ay weli halkaas isku hor fadhiyaan.
Related Posts
October 4, 2016 Qayb kamid ah culimada Soomaaliyeed oo kasoo horjeestay qoondada haweenka laga siiyay baarlamaanka dowlada federaalka Soomaaliya
September 5, 2021 Understanding the Effects of Air Pollution on Health
June 11, 2016 Maleeshiyada al-Shabaab oo sheegtay in ay toogasho ku fulisay afar jaajuus
April 28, 2019 Madaxweynaha Puntland oo dhaliilay sidii loo maareeyay soo xulista guddoomiyaha bangiga dhexe ee Soomaaliya
