Muqdisho-(Puntland Mirror) Guddiga doorashooyinka Soomaaliya oo maanta oo Jimce ah shir jaraa’id ku qabtay caasimada Soomaaliya ayaa ka waramay halka ay marayaan qorshaha doorashooyinka la filayo in ay dalka ka dhacaan sanadkan dabayaaqadiisa.
Guddoomiyaha guddiga Cumar Maxamed Cabdulle oo ka hadlay shirka jaraa’id ayaa sheegay in qorshe howleedka doorashooyinka ay marayaan meel fiican, isagoo intaas ku daray in guddiga doorashooyinka ay u qabsoomeen howlo badan sidoo kalena shaqadu ay ku socoto sidii loogu talagalay.
Guddoomiye Cumar ayaa xusay in bartamihii bishaan Agoosto ay Muqdisho kusoo gaba-gabeeyeen kulan xog-wadaag ah oo u dhaxeeyay guddiga doorashooyinka heer federal iyo kuwa maamul goboleedyada oo ay kamidyihiin, Puntland, Somaliland, Jubbaland, Koonfur Galbeed, Galmudug iyo Hiiraan & Shabeelaha Dhexe.
Ugu dambayna guddoomiyaha ayaa sheegay in guddiga uu bilaabay in madax-dhaqameedyada uu u qabto wacyi-gelin ku saabsan qaabka lagu soo xulayo xildhibaanada dowlada federaalka Soomaaliya.
Guddiga doorashooyinka Soomaaliya ayaa bilowgii bishaan Agoosto iclaamiyay wakhtiga ay dhacayaan doorashooyinka dalka.
Related Posts
May 25, 2019 Agaasimaha cusub ee isbitaalka Garoowe Dr Xabiibo Nuux Ismaaciil oo xafiiska la wareegtay
March 2, 2020 Subject: Invitation to Tender # pr/GRW/SOMALIA/2020/4 For Learning Material
April 30, 2018 More than 100 Somaliland soldiers surrendered to Puntland: PL TV
December 2, 2016 Qaliin lagu sameeyay wasiirka amniga Puntland oo lagu guuleystay
Be the first to comment