Guud ahaan kharashka miisaaniyadda la ansiiyay ayaa dhan $646.9 milyan oo ka kooban kharashaad mashaariic iyo kharashaad howl fulineed, waxayna kala yihiin; Kharashaadka mashaariicda oo korordhay $40.9 milyan, halka Kharashaadka howl fulinta dowladda ay ku korortay $129.9 million.
Kororkan kharashaadka ayaa loo adeegsanayaa la taacaalida cudurka Covid-19, doorashooyinka, daadadka iyo xaaladaha bini’aadamnimo ee dalka la soo dersay, sida lagu sheegay war-saxaafadeed ka soo baxay xafiiska Raysulwasaaraha.
“Dakhliga guud ee dowladda ayaa hoos u dhacay sababo la xiriira xaaladaha COVID-19 iyada oo la qiyaasay in ku dhowaad $67 Milyan oo la odorosayay inay dakhilaga gudaha ka soo xerooto ay meesha ka baxayso, balse maadaama dalka deynta laga cafiyay waxa uu helayaa kaalmo toos ah, taas oo buuxineysa hoos u dhaca dakhliga gudaha.” Ayaa lagu sheegay war-saxaafadeedka.
Kabka miisaaniyaddan oo ah dhamaan dalka oo idil ayaa laga helayaa Bankiga Adduunka. taas oo ka dhalatay go’aankii deyn cafinta (Decision Point) Soomaaliya oo ku soo beegmay xilli ay Soomaaliya aad ugu baahnayad.
Kutalogalka miisaaniyada 2020 oo golaha wasiiradda ay meelmariyeen dabayaaqadii 2019 ayaa ahaa 460 milyan.
Related Posts
November 11, 2018 Tirada dhimashada qaraxyadii Muqdisho oo gaartay 50 qof
September 11, 2016 Ku dhawaad 1.5 milyan oo Xujay ah oo taagan buurta Carafa si ay u gutaan acmaasha Xajka
May 22, 2018 ISIS oo sheegtay in askari katirsan ciidanka booliiska Soomaaliya ay ku dishay Muqdisho
December 10, 2018 Banaanbax lagu taageerayo Madaxweyne Farmaajo oo ka dhacay Muqdisho
