Dowladda Norway ayaa $400 milyan siin doonta Bankiga Adduunka taasoo qeyb ka ah qorshaha deyn cafinta Soomaaliya, sida lagu sheegay war-saxaafadeed ka soo baxay xafiiska Raysulwasaare Xasan Cali Khayre kadib shir aan caadi ahayn oo golaha wasiirada Axadii ku yeesheen Muqdisho.
Sanadihii u dambeeyay, hanaanka deyn cafinta Soomaaliya ayaa soo socotay. Wasiirka Maaliyada Dowladda Federaalka Soomaaliya Cabdiraxmaan Bayle Ducaale ayaa bishii lasoo dhaafay ee December 2019 sheegay in waxyaabihii muhiimka u ahaa deyn cafiska ee looga baahnaa dhankooda ay dhammaystireen.
Bayaan ay soo saareen bishii December 2019, haayada lacagta adduunka ee IMF ayay ku sheegtay in guddiga fulinta ee IMF ay meelmariyeen qorshe maaliyadeed oo gacan ka geysan doona sidii ay u cafin lahaayeen qeybta lacagta ay ku leeyihiin Soomaaliya.
Lacag ku dhow $5 bilyan ayaa wadamo iyo haayado kale duwan ay deyn ugu leeyihiin Soomaaliya.
Bisha soo socota ee Febaraayo ayaa Soomaaliya ay war wanaagsan ka sugaysaa deyn bixiyeyaasha si ay u cafiyaan deynta lagu leeyahay dalka kuyaala Geeska Afrika kaasoo 30 kii sanno ee u dambeeyay ay la hareen colaado.
Related Posts
October 19, 2017 Qarax lagu qabtay gudaha magaalada Boosaaso
August 8, 2016 Ugu yaraan hal qof oo shacab ah ayaa ku dhintay, afar askari oo ciidamada DFS ahna waa ay ku dhaawcameen qarax miinada dhulka lagu aaso ah oo ka dhacay Muqdisho
December 5, 2017 Isku aadka tartanka kubada cagta maamul goboleedyada Soomaaliya oo la sameeyay
September 24, 2016 Nin qori ku hubaysan oo afar qof toogasho ku dilay xarun dukumaaysi oo kutaala magaalada Seattle ee Maraykanka
