Garoowe-(Puntland Mirror) diyaarado dagaal oo aan la aqoon cida iska leh ayaa lagu soo waramayaa in ay duqaymo ka sameeyeen deegaanka buuralayda Galgala ee gobolka Bari Puntland, Soomaaliya.
Duqaymaha ayaa la fuliyay maalmihii Arbacada iyo Khamiista sida qof goobjooge ah oo qariyay magaciisa u sheegay laanta Afsoomaaliga idaacada VOA.
“Waxaa ka dhacay duqayn cirka laga duqeeyay meelo kamid ah buuraha Caalmadoow ee Galgala meelaha ay ka dhaceena waxaa kamid ah meelo dad shacab ah iyo dad xoolo dhaqato ah ay daganyihiin,” ayuu yiri goobjoogaha.
Wuxuu intaas ku daray in duqaynta ay dhacday maalmihii Arbacada iyo Khamiista diyaaradaha duqaynta geystayna ay u malaynayaan in ay kasoo kaceen dhanka badda.
Deegaanka Buuralaydka Galgala ayaa waxaa ku dagaalamayay shanti sanno ee u dambaysay ciidamada dowlada Puntland iyo maleeshiyaad al-Shabaab ah oo halkaas ku dhuumanaya.
Related Posts
September 30, 2017 Xaggee marayaa khilaafka Galmudug?
February 17, 2017 Madaxweyne Farmaajo oo kulan la qaatay safiirka Mareykanka u fadhiya gudaha Soomaaliya
September 30, 2018 Somali FM calls for end to UN arms embargo
February 20, 2017 Ugu yaraan hal askari oo katirsan ciidamada maamulka Jubbaland oo ku geeriyooday qarax miino oo ka dhacay deegaan u dhow Kismaayo
Be the first to comment