Garoowe-(Puntland Mirror) Diyaarad sida qaad ayaa maanta oo Talaado ah kasoo degtay garoomada diyaaradaha ee magaalooyinka Laa-scaanood, Gaalkacyo iyo Qardho iyadoo dowlada federaalka Soomaaliya ay hakisay qaadkii Miirowga ee ka imaan jiray dalka Kenya.
Sida ay sheegeen dadka deegaanka magaalooyinkaas diyaarada ayaa siday qaad Miirow ah oo ka badan intii awal la keeni jiray.
Dowlada federaalka Soomaaliya oo caalamka taageero ayaa shalay soo saartay go’aan ku saabsan in la hakiyay qaadka Miirowga oo ka yimaada Kenya.
Isaga oo saxaafada maxaliga ah la hadlayay xalay afhayeenka dowlada Puntland Cabdulaahi Maxamed Jaamac “Quraan-jacel” ayaa sheegay in go’aanka qaadka lagu joojiyay uusan qusayn Puntland ayna imaan karaan garoomada Puntland dhamaan diyaaradaha qaadka sida.
Dowlada federaalka ma aysan faahfaahin sababta loo hakiyay qaadka Miirowga ee Kenya.
Soomaaliya ahaa ah suuqa ugu weyn ee qaadka Miirowga Kenya in ka badan 16 diyaaradood ayaa lagu qiyaasaa in ay maalin walba geedkaas keenaan gudaha Soomaaliya.
Related Posts
June 5, 2016 Ugu yaraan 20 qof oo ku dhimatay dagaal beeleed ka dhacay gobolka Sool
March 30, 2020 Guddoomiyihii gobolka Nugaal oo u geeriyooday dhaawac ka soo gaaray qarax ismiidaamin ah
August 22, 2018 Puntland oo sheegtay in ay aad uga xun tahay arday ay ciidamada Somaliland ku dileen magaalada Laascaanood
July 20, 2016 Madaxweynaha Puntland oo kulan la qaatay golaha deegaanka cusub ee degmada Gaalkacyo
Be the first to comment