“Waxaan wadahadalo kula jirnaa haayadaha dhaqaalaha adduunka si aan uga helno caawimaad looga hortagi lahaa cudurka dalka Soomaaliyeed oo dhan,” Raysulwasaare Xasan Cali Khayre ayaa sidaas ku yiri hadal laga sii daayay taleefishinka dowladda.
Waxa uu sheegay in lacagtii ugu horeysay oo dhan $5 milyan ay Dowladda Soomaaliya u qoondeysay la tacaalida cudurka coronavirus.
Joojinta goobaha waxbarashada
Raysulwasaaraha Dowladda Federaalka Soomaaliya ayaa sheegay in la xiro iskuulada iyo jaamacadaha muddo labo asbuuc ah si looga hortago cudurka coronavirus.
“Shacabka Soomaaliyeed waxaan u sheegaynaa in la xiro iskuulada iyo jaamacadaha laga bilaabo maalinta beri ah oo ay xirnaadaan 15 maalmood kadibna ay ka sugaan warbixin dheeraad ah dowladda Soomaaliya,” ayuu yiri Xasan Cali Khayre, waxaana uu ku sii daray in la joojiyo dhammaan kulamada waa-weyn, xafladaha iyo isku soo baxyada fagaarayaasha si looga hortago cudurka.
Isniintii, Soomaaliya ayaa xaqiijisay kiiskeedii ugu horeeyay ee coronavirus kadib markii qof Soomaali ah oo dibada kasoo laabtay laga helay Covid-19, sida ay sheegtay Wasiirka Caafimaadka Fowsiya Abuukar.
Related Posts
September 14, 2016 Dad shacab ah oo dilay taliyihii Al-Shabaab ee deegaanka Ceel-garas oo kuyaala gobolka Galgaduud
September 23, 2017 Soomaaliya oo markale caalamka ka codsatay in laga qaado cuno qabataynta hubka si looga adkaado Al-Shabaab
January 13, 2019 Puntland soldier killed by roadside blast in Galgala Mountains
December 13, 2018 Madaxweynaha dalka Eriteeriya Isaias Afwerki oo safarkiisii ugu horeeyay ee Soomaaliya ku yimid Muqdisho
