Duqa Qandala, Jaamac Maxamed Khuurshe ayaa saxaafada maxaliga ah u sheegay in dagaalyahanada ISIS ay la wareegeen magaalada.
“In ka badan 50 dagaalyahan oo ISIS ah ayaa qabsaday magaalada subaxnimadii Arbacada…. kadib markii ay soo galeen gudaha magaalada si dhaqso ah bay calankooda madow u sureen magaalada dhexdeeda,” ayuu yiri Jaamac Maxamed Khuurshe.
“Intooda badan dadkii shacabka ahaa waa ay ka carareen magaalada kadib markii ay kooxda soo galeen magaalada saakaydii hore.” Ayuu ku daray.
Dadka deegaanka ayaa u sheegay Puntland Mirror in koox hubaysan oo ISIS ah ay soo weerareen magaalada saakay oo Arbaco ah haddana ay gacanta ku hayaan magaalada.
“Ugu yaraan 70 maleeshiyo ah oo ka socda ISIS ayaa qabsaday magaalada saakay iska cabin la’aan,” sidaa waxaa yiri qof deegaanka ah oo codsaday in aan magaciisa la sheegin.
Bishii April ee sanadkan, ku dhawaad 20 dagaalyahan oo uu hoggaaminayo sarkaal hore oo AlShabaab ahaa, Cabdiqaadir Muumin ayaa kasoo muuqday muuqaal lagu baahiyay You Tube-ka, Muumin iyo kooxdiisa ayaa iclaamisay in ISIS ay saldhigoodii kowaad ka furatay gudaha Soomaaliya gaar ahaan deegaanada Puntland.
Related Posts
August 22, 2017 Maxkamada ciidamada Soomaaliya oo dil toogasho ah ku xukuntay labo eedaysane oo loo heystay dilka oday dhaqameed
May 9, 2019 13 maleeshiyo oo katirsan ISIS oo lagu dilay duqeyn uu Mareykanku ka geystay gudaha Puntland
June 8, 2017 Wasiirka Amniga Puntland oo sheegay in ay isku diyaarinayaan dagaal ka dhan maleeshiyada Al-Shabaab ee ku sugan Buuraha Galgala
March 19, 2017 Madaxweynaha Puntland oo xilkii ka qaaday agaasimihii la dagaalanka burcadbadeeda ee Puntland
Be the first to comment