“Waxaa ciidamadeena geesiyaasha ah ay soo afjareen weerarkii ay kooxda argagixisada ah ku soo qaadeen huteelka SYL ee magaalada Muqdisho iyagoo soo badbaadiyay shacab iyo masuuliyiin kor u dhaafaya 80 oo ku jiray gudaha markii uu weerarku dhacay,” Sakiya Xuseen ayaa sidaas ku tiri war-saxaafadeedka oo soo baxay aroornimadii Arbacada.
Waxay intaas ku dartay in weerarka ay ka dambeeyeen shan dagaalyahan kuwaasoo dhammaantood ay toogteen ciidamadu.
Khasaaraha weerarka ka dhashay ayaa ah labo askari iyo saddex shacab oo dhimasho ah, sida ay sheegtay taliye ku xigeenka booliiska.
Maleeshiyada Al-Shabaab ayaa sheegatay masuuliyada weerarkaas, sida ay tabiyeen warbaahintoodu.
Ma ahan markii ugu horeysay oo SYL huteel uu la kulmo weerar Al-Shabaab, labo jeer oo hore ayay maleeshiyadu weerartay huteelka, oo ku dhow xarunta madaxtooyada Soomaaliya.
Weerarkan ayaa imaanaya iyadoo bilihii u dambeeyay magaalada Muqdisho ay ku jirtay jawi nabdoon.
Related Posts
July 25, 2024 PEC oo sii daysay natiijada hordhaca ah ee doorashada goleyaasha deegaanka gobolka Nugaal
December 3, 2016 Puntland oo sheegtay in ciidamadeedu ku dileen gobolka Bari ugu yaraan todobo maleeshiyo oo ISIS ah
January 15, 2020 Somaliland oo toogasho ku fulisay xubno katirsan Al-Shabaab markii ugu horeysay
April 4, 2024 Sanbalooshe oo markii 3-aad loo magacaabay agaasimaha NISA
Be the first to comment