Muqdisho-(Puntland Mirror) Ciidamada amaanka dowlada federaalka ee Soomaaliya ayaa garoonka diyaaradaha ee Muqdisho waxa ay ku qabteen diyaarad raashin dhacay u waday gobolka Gedo ee Soomaaliya, sida ay ku warantay wakalaada wararka dowlada Soomaaliya.
Madaxa laanta socdaalka Soomaaliya, Janaraal Cabdulaahi Gaafow Maxamuud ayaa wakaalada wararka SONNA u sheegay in ciidamada amaanka ay baarayaan diyaarada, isagoo sheegay in ay siday raashin dhacay oo ay u waday gobolka Gedo.
Janaraal Cabdulaahi Bariise oo ah taliye booliis ayaa sheegay in raashinka ay leedahay haayada cunada Qaramada Midoobay u qaabilsan ee (WFP), waxaana kamid ah, galay, caano boore iyo saliida cunada lagu kariyo kuwaas oo taariikhdooda ay dhacday.
Ciidamada amaanka ayaa ku qabtay garoonka shaqaale WFP katirsan waxaana la geeyay xabsiga si baaritaan loogu sameeyo, sida ay sheegeen booliska.
Saraakiisha WFP ayaan wali jawaab ka bixin dhacdadaan.
Related Posts
July 11, 2016 Hundreds of Mogadishu residents protest against attack at Prophet’s mosque
September 11, 2017 Ugu yaraan 10 qof oo lagu dilay weerar ay Al-Shabaab ku qaadeen magaalada Beled Xaawo
September 7, 2016 US says airstrikes kill 4 al-Shabab members in Somalia
November 6, 2017 Madaxweynaha Puntland oo sheegay in hoggaamiyaha ISIS Cabdiqaadir Muumin uu weli noolyahay
Be the first to comment