Kismaayo-(Puntland Mirror) Madaxweyne ku-xigeenka kowaad ee maamulka Jubaland Maxamuud Sayid Aadan iyo ku-xigeenka labaad Cabdiqaadir Xaaji Maxamuud (Luga Dheere) ayaa maanta si rasmiya loogu dhaarshay magaalada Kismaayo ee xarunta maamul goboleedka Jubaland.
Sidoo kale waxaa shaqadooda loo dhaarshay golaha wasiirada cusub ee maamulkaas oo uu dhawaan soo magacaabay Madaxweyne Axmed Maxamed Islaan (Axmed Madoobe).
Guddoomiyaha baarlamaanka Jubaland Cabdiraxmaan Maxamed ayaa dhaariyay labada madaxweyne ku-xigeen iyo golaha wasiirada oo ka kooban 35 xubnood, guddoomiyaha ayaa u rajeeyay masuuliyiinta xilka u dhaaratay in ay shaqadooda kasoo baxaan.
Maamulka Jubbaland ayaa si rasmiya loo asaasay sanadkii 2013-ka, dowlada Puntland oo kamid ah maamulada ugu faca weyn ee maamulada ka jira Soomaaliya maanta ayaa gacan weyn ka geysatay dhismaha maamulka Jubaland oo caqabado badan soo maray xilligii la dhisayay.
Related Posts
July 25, 2016 Dooni ganacsi oo u rarnayd ganacsato Puntland ah oo ku degtay biyaha Badda Cas
January 29, 2017 Commandoska Mareykanka oo 14 maleeshiyo ururka Al-Qaacida katirsan ku dilay weerar ay ka geysteen gudaha dalka Yeman
August 7, 2016 Banaanbax lagu taageerayo jawaabtii dowlada Turkiga ay ka bixisay isku-daygii afgembiga fashilmay oo ka dhacay magaalada Istanbul
September 6, 2016 Death toll rises to 13 in clan fighting in Mudug region
Be the first to comment