Midowga Afrika qorshahooda ku saabsan tartiib uga saarista ciidamada ajnabiga ah ee ku sugan Soomaaliya iyada oo Soomaaliya dhisanayso ciidankeeda kadib tobonaan sanno oo dagaal sokeeye ah, ayaa ka codsaday Burundi in ay la baxdo 1,000 askari oo katirsan 5,400 ciidamadeeda ku sugan Soomaaliya.
Guddoomiyaha aqalka Senate-ka Burundi ayaa sheegay in haddii 1,000 askari la saaro ay natiijo la’aan ku keeni doonto dagaalka lagula jiro Al-Shabaab, sidoo kalena ay khatar gelin doonto ciidamada kale ee Burundi ee ku sugan gudaha Soomaaliya.
Iyadoo habka howlgalka AMISOM uu dal walba siinayo in ay joogaan meelo gaar ah, ciidamada Burundi ayaa ku sugan gobolka Shabeellaha Dhexe.
Burundi waa dalka labaad oo ku deeqay ciidamada AMISOM marka laga reebo Uganda, taasoo 6,200 ku deeqday.
Ciidamada AMISOM oo toban sanno ka badan Soomaaliya ka waday howlgal nabad ilaalin ah ayaa la filayaa in ay baxaan sanadka 2021 markaas oo ammaanka ay la wareegi doonaan ciidamada Soomaaliya.
Related Posts
November 20, 2016 Ugu yaraan 60 qof oo ku dhimatay tareen ku qalibmay waqooyiga Hindiya
September 3, 2020 Ammaanka magaalada Gaalkacyo oo soo hagaagaya
November 12, 2017 Puntland and Somaliland forces likely to fight in Sanaag region
December 8, 2024 DFS oo cambaaraysay xad-gudubyada Itoobiya ee amniga iyo madaxbanaanida Soomaaliya
