Muqdisho-(Puntland Mirror) Ugu yaraan 19 qof oo ay ku jiraan ciidamo ilaalo ah oo katirsan Amisom iyo Qaramada Midoobay ayaa ku dhintay kadib markii labo gaari oo qarax ah ay ka dhaceen meel u dhow xarunta Amisom ee Xalane oo ku dhow garoonka diyaaradaha Muqdisho, sida ay sheegeen goobjoogayaasha iyo saraakiisha.
Kooxda hubaysan ee al-Shabaab ayaa sheegatay masuuliyada weerarkaas.
“Mujaahidiintayadu waxay bartilmaameedsadeen Xalane taasoo xarun u ah ciidamada shisheeye ee dalkayaga Muslimka ah jooga. Waxaanu dilnay tobonaan iyaga ah,” afhayeenka howlgalada al-Shabaab, Cabdulcasiis Abu Muscab ayaa sidaa u sheegay taleefishinka al-Jazeera.
Dhanka kale, afhayeenka dowlada hoose ee Muqdisho, Cabdifataax Cumar Xalane oo la hadlay wakaalada wararka dowlada Soomaaliya ayaa sheegay in bartilmaameedka uu ahaa xarunta Amisom, wuxuuna intaas ku daray in tobonaan ilaalo ah ay ku dhinteen weerarkaas.
Xalane ayaa waxa ay xarun u tahay safaarado badan, Amisom iyo Qaramada Midoobay.
Related Posts
August 10, 2020 Madaxweyne Deni oo taliye cusub u magacaabay ciidanka ilaalada madaxtooyada
May 21, 2017 Somali armed forces will launch operations against Al-Shabaab militants
June 22, 2018 Maxkamada ciidamada Jubbaland oo toogasho ah ku fulisay saddex askari oo lagu eedeeyay dilal
July 4, 2016 Puntland oo fasaxday idaacada daljir kadib cafis madaxweyne
