Muqdisho-(Puntland Mirror) Maleeshiyada Al-Shabaab ayaa qabsatay magaalo istiraatiiji ah oo ku dhow xadka Kenya iyo Soomaaliya, sida ay sheegeen dadka deegaanka.
Dadka deegaanka Ceel-waaq oo la hadlay warsidaha Puntland Mirror ayaa sheegay in dagaalyahano aad u hubaysan oo Al-Shabaab ah ay kasoo weerareen magaalada labo jiho shalay oo Jimce ahayd ayna qabsadeen.
“Ciidamadii dowlada waxaa xoog u gala wareegay kooxda Al-Shabaab,” sidaa waxaa yiri qof dadka deegaanka ah oo oo diiday in magaciisa la sheego walaac amni awgiiis.
Dadka deegaanka ayaa sheegay in dadka dhintay ay ku jiraan labo askari oo dowlada ah iyo labo qof oo shacab ah oo ay rasaas ku haleeshay meel u dhow saldhig militari.
Si dhaqso ah markii ay magaalada Ceel-waaq u galeen, dagaalyahanada Al-Shabaab ayaa weerar ku qaaday saldhiga ciidamada dowlada oo kuyaala dhanka koonfureed ee magaalada. Goobjoogayaal ayaa sheegay in ay arkeen ciidamada dowlada oo u cararayay gudaha xadka Kenya.
Dadka deegaanka ayaa sheegaya in maleeshiyada Al-Shabaab ee magaalada soo weerartay ay ka koobnaayeen ilaa iyo 200 oo wata baabuurta dagaalka.
Isgaarsiinta magaalada ayaa go’an, dadka deegaanka ayaa sheegay in maleeshiyada ay jartay khadka taleefoonada.
Ceel-waaq waa magaalo istiraatiiji ah waxayna wado weyn u tahay ciidamada Kenya ee howgalada kawada koonfurta galbeed ee Soomaaliya, Al-Shabaab ayaa magaaladaas gacanteeda ka baxday sanadkii 2011-ka.
Related Posts
March 18, 2017 Madaxweynaha dalka Kenya Uhuru Kenyatta oo safar aan la ogeyn ugu tagay ciidamada Kenya ee ku sugan gudaha Soomaaliya
April 10, 2017 At last six soldiers killed after suicide bomber hit military camp in the outskirts of Mogadishu
July 14, 2016 Kooxda kubada cagta Puntland oo gaartay Muqdisho si ay uga qayb galaan horyaalka maamul goboleedyada Soomaaliya
May 24, 2019 US airstrike kills 20 ISIS militants in Puntland in two months
