Ugu yaraan saddex qof oo ku geeriyooday qarax ka dhacay makhaayad shaah oo kutaala Muqdisho

Afhayeenka magaalada Muqdisho, Cabdifataax Cumar Xalane ayaa wakaalada wararka Reuters u sheegay in qaraxa lagu qariyay makhaayada.

“Qaraxa oo lagu xiray gudaha makhaayada ayaa qarxay.” Ayuu u Cabdifataax u sheegay Reuters.

Saraakiisha booliiska ayaa sheegay in dadka dhintay iyo kuwa dhaawacmay ay kamid yihiin askar.

Tirada dhimashada ayaa laga yaabaa in ay korodho sababtoo ah dhaawacyada qaar oo xaaladoodu darantahay, sida ay sheegeen booliiska.

Ma jirto cid sheegatay in ay ka dambayso masuuliyada qaraxa, balse saraakiisha ammaanka ayaa aaminsan in Al-Shabaab ay qaraxaas rakibeen.